Маңғыстаумұнайгаздағы мерейлі мереке

Сонау 1964 жылы Батыс Қазақстан экономикалық ауданы Халық шаруашылығы Кеңесінің No150 қаулысына сәйкес «Маңғышланефть» бірлестігінің құрамында автокөлік кеңсесі құрылған еді.

Қалалық мейрамханалардың бірінде өткен мерекелік шараға сала ардагерлері, «Маңғыстаумұнайгаз» АҚ және сервистік компаниялардың басшылары, көлік департаменті мен басқа да құрылымдық бөлімшелердің қызметкерлері шақырылды.

«Маңғыстаумұнайгаз» АҚ басшылығы көлік департаментінің еңбек ұжымын мерелі мерекемен шын жүректен құттықтап, еңбегімен ерекшеленген қызметкерлерге мерейтойлық медальдар мен алғыс хаттар табыс етті. Сондай-ақ, мерейтой иелерін автокөлік саласының ардагерлері, «ҚазМұнайГаз» ҰК» АҚ Ақтау қаласындағы өкілдігінің басшылығы, сервистік компаниялардың өкілдері құттықтады.

Салтанатты шара Маңғыстау облыстық филармониясы өнерпаздарының әсем мерекелік концертімен ұласты.